`საქართველოს ბანკს~, ფულად გზავნილზე - "ელვა" ახალი შეთავაზება აქვს. "საქართველოს ბანკის" ინფორმაციით, ამიერიდან, მომხმარებელს საშუალება ეძლევა სმს-ბანკით ან სერვისცენტრიდან გააგზავნოს გზავნილი "ელვა", რომელსაც მიმღები გაანაღდებს "საქართველოს ბანკის" ნებისმიერ ბანკომატში ან სერვისცენტრში. ამასთან, გზვანილის მისაღებად არ არის აუცილებელი გზავნილის მიმღები ფლობდეს "საქართველოს ბანკის" პლასტიკურ ბარათს. "ელვას" გზავნილების გაგზავნა და განაღდება ხორციელდება ეროვნულ ვალუტაში, ხოლო ფულადი გზავნილის და განაღდების მაქსიმალური ლიმიტი 1,500 ლარია. გზავნილის განაღდება უფასოა.
სმს-ბანკით ან სერვისცენტრიდან გზავნილის "ელვა" გაგზავნისას, გამგზავნი მიმღებს აწოდებს სმს-ით მიღებულ გზავნილის კოდს დაინფორმაციას თანხის შესახებ. გზავნილის მიმღები კი "საქართველოს ბანკის" ნებისმიერ ბანკომატში, კოდის და თანხის მითითებით მარტივად, პლასტიკური ბარათის გარეშე შეძლებს თანხის განაღდებას. მომხამრებელმა ბანკომატში უბრალოდ უნდა აირჩიოს "ელვა გზავნილის უბარათო განაღდება" და მიჰყვეს მარტივ ისნტრუქციას.
სმს-ბანკით ფულადი გზავნილის "ელვა" გაგზავნა ასევე ძალიან მარტივია. ამისათვის მომხმარებელმა მობილური ტელეფონით უნდა აკრიფოს ბრძანება: ELVA # პლასტიკური ბარათის ნომრის ბოლო ოთხი ციფრი # გზავნილის მიმღების სახელი # გზავნილის მიმღების გვარი # გზავნილის თანხა # GEL. აკრეფილი ტექსტი კი ნებისმიერი მობილური ოპერატორიდან გადააგზავნოს ნომერზე 4444.