ქართული ავიაციის განვითარებასა და ევროპული სტანდარტების დანერგვასთან დაკავშირებით ავიაკომპანია Sky Georgia-ს ინიციატივით, საქართველოში SAFA- ს (Safety Assessment Of Foreign Aircraft) ინსპექტორი იმყოფება, რომელიც სამოქალაქო ავიაციის სააგენტოში, ქართული ავიაციის განვითარებასთან და ევროპული სტანდარტების დანერგვასთან დაკავშირებით კონსულტაციებს გამართავს
SAFA-ს ინსპექტორი Sky Georgia-ს გაუწევს რეკომენდაციებს, რომლის მეშვეობითაც კომპანია ჩაერთვება EASA-ს (European Aviation Safety Agency) პროგრამაში, რომლის მიზანია ევროკომისიის მოთხოვნების შესაბამისად განხორციელდეს ფრენები და დაცული იყოს უსაფრთხოების ნორმები.
ავიაკომპანია Sky Georgia ამჟამად აწარმოებს სატვირთო გადაზიდვებს, აკრედიტირებულია ISAF-ის (International Security Assistance Force) მიერ და დახმარებას უწევს "ნატოს", რომლის პროგრამის ფარგლებში გადაზიდვები ხორციელდება გერმანიიდან, საფრანგეთიდან, ესპანეთიდან, იტალიიდან და შვეციიდან ავღანეთის სხვადასხვა ქალაქებში.
2011 წელს იგეგმება სამგზავრო გადაზიდვების შესრულება ევროპისა და დსთ-ს ქვეყნების მიმართულებით. მგზავრების უსაფრთხო და კომფორტული მომსახურების მიზნით ავიაკომპანია აფართოვებს საჰაერო ფლოტს და საავიაციო ბაზარეზე შემოიყვანს ეარბასებს - Airbus.
