„თავისუფალი დემოკრატების" ლიდერ ირაკლი ალასანიას განცხადებით, პარლამენტში საზოგადოებისა და საპატრიარქოს ზურგს უკან რელიგიური საკითხების განხილვა მიუღებელი და დაუშვებელია.
„რაც დღეს პარლამენტში ხდება, კიდევ ერთი გამოვლინებაა იმისა, რომ არც პარლამენტს, არც "ნაციონალურ მოძრაობას" და არც პრეზიდენტ სააკაშვილს საზოგადოების აზრი არ აინტერესებს. რელიგიური საკითხები უნდა იყოს საჯარო განხილვის საგანი და პარლამენტის დანიშნულებაც იმაში მდგომარეობს, რომ მსგავსი საკითხები საზოგადოების ინტერესების გათვალისწინებით საჯაროდ განიხილებოდეს", - განაცხადა ალასანიამ.
მისი თქმით, საჯარო განხილვებისა და საპატრიარქოსთან კონსულტაციების შემდეგ, შესაძლებელი იქნება ისეთი გადაწყვეტილებების მიღება, რომლებიც მართლმადიდებლური ეკლესიის ინტერესებსა და ტრადიციული რელიგიური გაერთიანებების უფლებებს დაიცავს.
