საპარლამენტო უმრავლესობა ოპოზიციას მოუწოდებს, რელიგიური გაერთიანების სტატუსის საკითხის ტაბუირებას ნუ მოახდნენ. ამის შესახებ რიგგარეშე სხდომაზე საპარლამენტო უმრავლესობის ერთ-ერთმა ლიდერმა გოკა გაბაშვილმა "სამოქალაქო კოდექსში" შესატანი ცვლილებების განხილვისას განაცხადა.
მისი თქმით, პარლამენტის ვალდებულება და უფლებამოსილებაა, რომ მსგავსი საკითხები გადაწყვიტოს. აქ საუბარი არ არის რელიგიურ საკითხებზე, არამედ საუბარია ადმინისტრაციულ-სამართლებრივ-ორგანიზაციულ საკითხებზე.
გაბაშვილის განცხადებით, რაც შეეხება ქართულ მართლმადიდებლურ ეკლესიას, მას განსაკუთრებული სტატუსი აქვს, რაც განსაზღვრულია კონკორდატით და გამაგრებულია კონსტიტუციით.
"რაც შეეხება სამართლებრივ-ისტორიულ ფორმას, ამას არანაირი შეხება არა აქვს საპატრიარქოსთან, აქ საუბარია სხვა რელიგიურ გაერთიანებებზე და მათთვის სამართლებრივი ფორმის მოფიქრებაზე და შეთავაზებაზე, რომ მათი დარეგისტრირდება მოხდეს", - აღნიშნა გაბაშვილმა.
