საქართველოს პრეზიდენტის უფროსი ვაჟი გინესის რეკორდსმენი გახდა. ედუარდ სააკაშილმა რეკორდი თანამედროვე ტექნოლოგიებში დაამყარა.
მან მარჯვენა ხელით iPad-ზე ინგლისური ანბანი ყველაზე სწრაფად აკრიფა. ამისათვის მას დასჭირდა 5,26 წამი.
წინამორბედის მაჩვენებელი მან თითქმის წამნახევრით გააუმჯობესა. წინა რეკორდი 2010 წლის 27 ივლისს ბრიტანეთში დამყარდა.
პრეზიდენტის ვაჟი პირველი ქართველია, რომელმაც აღნიშნულ სფეროში რეკორდი დაამყარა.
პროცესს გინესის რეკორდების ოფისის ლიცენზირებული მსაჯი ესწრებოდა.
ედუარდ სააკაშვილმა რეკორდი თანამედროვე ტექნოლოგიებში ბათუმის იუსტიციის სახლში დაამყარა და მას შესაბამისი სერთიფიკატი გადაეცა.
