"საქსტატის" ინფორმაციით, ივნისში 2010 წლის ივნისთან შედარებით ინფლაციის დონემ საქართველოში 10 პროცენტი შეადგინა. 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების მატებამ შემდეგ ჯგუფებზე: სურსათი და უალკოჰოლო სასმელები: მოცემულ პერიოდში ფასები გაიზარდა 22,2 პროცენტით, შესაბამისად, ჯგუფის წვლილმა წლიური ინფლაციის საერთო მაჩვენებელში 8,9 პროცენტული პუნქტი შეადგინა.
ფასების ზრდის ყველაზე მაღალი მაჩვენებელი დაფიქსირდა ხილისა და ყურძნის ქვეჯგუფზე - 34,3 პროცენტი, ზეთსა და ცხიმზე - 29,2 პროცენტი, ხორცსა და ხორცის პროდუქტებზე - 26,4 პროცენტი, რძე, ყველი და კვერცხის ჯგუფზე - 26,2 პროცენტი, პურსა და პურპროდუქტებზე - 23,0 პროცენტი.
ტრანსპორტი: ფასები გაიზარდა 8,1 პროცენტით. შესაბამისად, ჯგუფის წვლილმა წლიური ინფლაციის საერთო მაჩვენებელში 0,9 პროცენტული პუნქტი შეადგინა. აღნიშნულ ჯგუფში ფასების მნიშვნელოვანი მატება დაფიქსირდა საწვავზე - 21,0 პროცენტი და პირადი სატრანსპორტო საშუალებების ექსპლუატაციაზე - 18,0 პროცენტი.
