კომპანიების მიერ დაუმთავრებელ შენობებზე დარიცხულ ჯარიმებზე ამნისტია ცხადდება. აღნიშნულთან დაკავშირებით "ტექნიკური საფრთხის კონტროლის შესახებ" კანონში ცვლილებები პარლამენტმა მესამე მოსმენით დაამტკიცა.
სამშენებლო კომპანიებისთვის ე.წ. ამინისტია გამოცხადდა იმ ვადებისა და პირობების დარღევასთან დაკავშირებით, რომელიც პროექტში იყო მითითებული, მაგრამ აღებული ვალდებულებები ამ დრომდე არ ჰქონდათ შესრულებული.
დღეს მოქმედი ნორმის თანახმად, აღნიშნული კანონდარღვევებზე კანონმდებლობა ითვალისწინებდა ჯარიმებს პირველ შემთხვევაში ერთმაგი ოდენობით, თუ არ გამოსწორდებოდა დარღვევა, კომპანიას ჯარიმის სამმაგი ოდენობა ერიცხებოდა და ა.შ..
დამტკიცებული კანონპროექტის მიხედვით, კომპანიებმა სამი თვის განმავლობაში ქალაქის არქიტექტურის სამსახურს უნდა მიმართონ და შუთანხმონ მშენებლობის ახალი ვადები, ყველა დოკუმენტაცია უნდა მოიყვანოს წესრიგში, მობინადრეებს აცნობონ მშენებლობის დასრულების ვადები.
თუმცა იმ შემთხვევაში, თუ სამშენებლო კომპანიები მთავრობის მიერ გამოცემული ე.წ. ამინისტიით არ ისარგებლებენ, მათ გაზრდილი ჯარიმები დაეკისრებათ.
თუ კომპანიები სამი თვის გასვლის შემდეგ არ დაემორჩილებიან კანონით გაწერილ წესებს და ქალაქის არქიტექტურის სამსახურში კორექტირებულ პროექტს არ წარადგენენ, ახალი შეთანხმებული ვადებით, თვითმართველობის მიერ დადგინდება ზონები და ამ კომპანიებს ამის მიხედვით მოუწევთ 1 კვ.მ-ზე 10 თეთრიდან 1 ლარამდე ოდენობის ჯარიმის გადახდა, რომლის ათვლაც ყველა ვადაგადაცილებულ დღეზე მოხდება.