სათამაშო აპარატების სალონის მოწყობაზე სანებართვო მოსაკრებლის ოდენობა 50 000 ლარიდან 1 000 000 ლარამდე იქნება. აღნიშნულთან დაკავშირებით პარლამენტმა "სალიცენზიო და სანებართვო მოსაკრებლის შესახებ" კანონში ცვლილებები მესამე მოსმენით დაამტკიცა.
დღემდე მოქმედი ნორმით, სათამაშო აპარატების სალონის მოწყობა თვითმმართველი ქალაქის (თბილისი, რუსთავი, ქუთაისი, ფოთი, ბათუმი) ტერიტორიაზე, 20 000 ლარი ღირს, სხვა ტერიტორიაზე კი - 12 000 ლარი.
მიღებული გადაწყვეტილების თანახმად, კი სათამაშო აპარატების სალონის მოწყობა წელიწადში 50 000 ლარიდან 1 000 000 ლარის ჩათვლით ეღირება, თუმცა მოწყობის ნებართვა ერთი წლის ნაცვლად 5 წლით გაიცემა.
საქართველოს მთავრობამ კანონის ამოქმედებამდე უნდა უზრუნველყოს ტერიტორიული ერთეულების მიხედვით სათამაშო აპარატების სალონის მოწყობის სანებართვო მოსაკრებლის განაკვეთის დადგენა.
