ხვალ, 25 ივნისს - მეზღვაურთა დღეს, საქართველოს საზღვაო სააგენტოს ბლოგი http://waritimegeorgia.wordpress.com, ამოქმედდება. ასევე ფუნქციონირებას დაიწყებს საზოგადოების ოპერატიული შეტყობინებისათვის Twitter-ის ანგარიში, ხოლო გლობალურად ვიდეომასალის ეფექტურად გავრცელებისთვის პოპულარულ ვიდეოსერვის Youtube-ზე სააგენტოს ვიდეოარხი შეიქმნა. ყველა აღნიშნული სოციალური მედიაინსტრუმენტი საზოგადოებას უფრო ეფექტურად და უშუალო ფორმით წარუდგენს იმ დადებით ცვლილებებს, რომლებიც აღნიშნულ სტრუქტურაში დაწყებული რეფორმის შედეგად მიმდინარეობს.
ეკონომიკისა და მდგრადი განვითარების სამინისტროს ინფორმაციით, საქართველოს საზღვაო სააგენტო თანამედროვე ტექნოლოგიებს მიმართავს, რათა მაქსიმალურად ოპერატიულად და ეფექტურად უზრუნველყოს სტრუქტურაში მიმდინარე რეფორმების, დადებითი ტენდენციების, არსებული პრობლემების და მათი დაძლევის გზების შესახებ ინფორმაციის მიწოდება როგორც ადგილობრივი, ისე საერთაშორისო საზოგადოებისთვის. აღნიშნულის მისაღწევად სააგენტო სოციალური მედიის აქტიურად გამოყენებას იწყებს.