ტურისტული სეზონის დაწყებასთან ერთად აჭარის მუნიციპალიტეტებში ტურისტული საინფორმაციო ცენტრების გახსნა გრძელდება. ქობულეთში ჩოლოქისა და ისპაანის ჭაობის მიმდებარე ტერიტორიაზე საინფორმაციო ცენტრები უკვე გაიხსნა. მსგავსი საინფორმაციო ცენტრები შუახევისა და ხულოს მუნიციპალიტეტებში იწყებენ ამოქმედებას.
"მრავალი უცხოელი ტურისტი სტუმრობს ჩვენს მთიან რეგიონს, დღეიდან მათ საშუალება ექნებათ საინფორმაციო ცენტრებში სრული ინფორმაცია მიიღონ სხვადასხვა ღირშესანიშნაობების თუ ტურისტული მომსახურების შესახებ. უახლოეს მომავალში საინფორმაციო ცენტრებში შესაძლებელი იქნება სასტუმროების დაჯავშნა და სუვენირების შეძენა"- აცხადებენ აჭარის ტურიზმის დეპარტამენტში.
