დღეს, 24 ივნისს, 11:00 საათზე, ტურიზმის თბილისის საინფორმაციო ცენტრში გაიმართება ტურიზმის ეროვნულ სააგენტოსა და კომპანია "ნატახტარის" ერთობლივი პრესკონფერენცია თბილისის ლუდის ფესტივალის ორგანიზების თაობაზე. ღონისძიებაში მონაწილეობას მიიღებენ და ჟურნალისტებს კითხვებს უპასუხებენ ტურიზმის სააგენტოს თავმდჯომარის მოადგილე ბექა ჯაყელი და "ნატახტარის" მარკეტინგის მენეჯერი, თორნიკე ნიკოლაიშვილი. პრესკონფერენციაზე ძირითადი განსახილველი თემა იქნება დედაქალაქის მიმდინარე წლის ტურისტული სეზონი და ის მასშტაბური ღონისძიებები, რომლითაც სტუმრების მოზიდვა მოხდება. ლუდის ფესტივალზე, ორგანიზატორები ტურისტებს აზერბაიჯანიდან და სომხეთიდანაც ელოდებიან.
25 და 26 ივნისს თბილისში, ვარდების რევოლუციის მოედანზე, უკვე მეორედ გაიმართება "თბილისის ლუდის ფესტივალი", რომელიც, გასული წლის მსგავსად, 2 დღეს გაგრძელდება და გაცილებით უფრო მასშტაბური ღონისძიება იქნება. ამით, ევროპის სხვადასხვა ქვეყანაში გავრცელებული ლუდის ფესტივალების ქართული ანალოგი ტრადიციულ სახეს იღებს.
გერმანული და ზოგადად დასავლური გამოცდილების დანერგვის მიზნით, ფესტივალის ორგანიზებაში ჩაერთო მსგავსი ტიპის მასობრივი გასართობი ღონისძიებებისა და მასშტაბური პრომოაქციების ჩატარებაში გამოცდილი და დახელოვნებული პრომოპერსონალი, რომელიც, გარდა იმისა, რომ ქართველ ორგანიზატორებთან ერთად მონაწილეობდა ფესტივალის კონცეპტუალურ დაგეგმვაში, ასევე, მიიღებს მონაწილეობას საქართველოსი დაგეგმილ ღონისძებაში. ასე რომ, წელს პირველად ტრადიციულ ბავარიულ ფორმებში გამოწყობილი გოგონები გახსნიან თბილისის ლუდის ფესტივალს და მის სტუმრებს 2 დღის განმავლობაში მოემსახურებიან.
"ნატახტარის" ლუდის ფესტივალი, სადაც ყველა მსურველს უფასოდ შეუძლია მოხვედრა, უამრავი გასართობი და საინტერესო კომპონენტისგან შედგება. ვარდების რევოლუციის მოედანზე იქნება დამონტაჟებული სპეციალური სცენა, სადაც გაიმართება ცოცხალი კონცერტი ცნობილი ქართული ჯგუფების მონაწილეობით. საკონცერტო პროგრამაში მონაწილეობენ "მგზავრები", "ფრანი", "როდრიგესი", სალომე კორკოტაშვილი და 4 ცნობილი პაბის ბენდი.
"ნატახტარის ლუდის ფესტივალზე" ერთდროულად შეძენილ ყოველ 5 კათხა (1 კათხა ეღირება 1 ლარი) ლუდზე სტუმარი მიიღებს 1 ბილეთს, სადაც ექნება შანსი, მოიგოს 5 სხვადასხვა ტიპის საჩუქარი: ქუდი, უფასო ლუდი, სათვალე, კათხა და მაისური. ასევე მოეწყობა თამაშები და სხვა გასართობი ღონისძიებები. ტერიტორიაზე ორგანიზატორების გადაწყვეტილებით განთავსდება 4 კვების ობიექტი, რომელთა სამზარეულო განსხვავებული იქნება. ვარდების მოედანზე დაიდგმება ხის გრძელი მაგიდები და მთელ ტერიტორიაზე დაიწყობა თივის შეკვრები. დასავლური ლუდის ფესტივალების ანალოგიურად, აქაც გაიყიდება ღონისძიებისლოგოიანი სუვენირები და საჩუქრები. წელს ლუდის ფესტივალზე, "ნატახტარის ლიმონათის" ორგანიზებით მოეწყობა სპეციალური კუთხე ბავშვებისათვის.
ფესტივალის ორგანიზატორია კომპანია "ნატახტარი". ღონისძიების მენეჯმენტს ახორციელებს კომპანია "ბეთერფლაი". მხარდამჭერები არიან ქალაქ თბილისის მერია, კულტურისა და ძეგლთა დაცვის სამინისტრო და ტურიზმის ეროვნული სააგენტო. ფესტივალის საზოგადოებასთან ურთიერთობას უზრუნველყოფს კომპანია "ჯეპრა".
