26 ივნისს აჭარას ებრაული შპს "ხილის სახლის - STO" და კომპანია "Netafimi"- ს წარმოამდგენლები ეწვევიან. ისინი აჭარის სოფლის მეურნეობის მინისტრს დონარი სურმანიძესა და აჭარის ფინანსთა სამინისტროს თანამშრომლებს შეხვდებიან. ორი მხარე ქობულეთის აგრო-სექტროში ინვესტიციის დაბანდების დეტალებს განიხილავს.
აჭარის მთავრობის ინფორმაციით, ებრაელი ბიზნესმენები აჭარაში 23 ათასი ჰექტარი მიწის ათვისებას აპირებენ, სადაც ხილის სასათბურე მეურნეობა გაშენდება. პირველ ეტაპზე - 2012 წლის ბოლომდე ებრაული მხარე 5 ათას ჰექტარს გაანაშენიანებს.
როგორც აჭარის საინვესტიციო სააგენტოს ხელმძღვანელმა იასონ ცერცვაძემ აღნიშნა, 26 ივნისს აჭარის ფინანსთა სამინისტრო ებრაელ ბიზნესმენებთან მიწის მიყიდვის დეტალებზე შეჯერდება და მხოლოდ ამის შემდეგ განისაზღვრება ქობულეთში ინვესტიციის რაოდენობა. ასევე, დაზუსტდება მოსაშენებელი ხილის სახეობები და პროექტის სხვა დეტალები.
შპს "ხილის სახლის - STO" და კომპანია "Netafimi"-ს წარმოამდგენლები რეგიონის საინვესტიციო გარემოს გაცნობის მიზნით აჭარაში პირველად 16 ივნისს ჩამოვიდნენ.
