ხელისუფლება კომპანიების მიერ დაუმთავრებელ შენობებზე დარიცხულ ჯარიმებზე ამნისტიას აცხადებს. აღნიშნულთან დაკავშირებით ცვლილება შედის "ტექნიკური საფრთხის კონტროლის შესახებ" კანონში.
როგორც ჟურნალისტებს მთავრობის საპარლამენტო მდივანმა გია ხუროშვილმა განუცხადა, სამშენებლო კომპანიებს მშენებლობების დასრულებაზე პრობლემა შეექმნათ, როგორც ობიექტური - მსოფლიო ფინანსური კრიზისის, 2008 წლის ომის, ინფლაციური პროცესების გამო, ასევე თუ სუბიექტური მიზეზების გამოც, კერძოდ კი ეს ეხება კომპანიის მენეჯმენტის არასწორ საქმიანობას.
"სამშენებლო კომპანიებისთვის ვაცხადებთ ე.წ. ამნისტიას იმ ვადებისა და პირობების დარღევასთან დაკავშირებით, რომელიც პროექტიში იყო მითითებული, მაგრამ არ შეასრულეს ვალდებულები", - აღნიშნა ხუროშვილმა.
მისივე თქმით, აღნიშნული კანონდარღვევებზე კანონმდებლობა ითვალისწინებდა ჯარიმებს პირველ შემთხვევაში ერთმაგი ოდენობით, თუ არ გამოსწორდებოდა დარღვევა კომპანიას ჯარიმის სამმაგი ოდენობა ერიცხებოდა და ა.შ..
"სამშენებლო კომპანიებს ასეთი ჯარიმები წლების განმავლობაში უგროვდებოდათ და ხშირად მისი ოდენობა რამდენიმე ასეულ ათას და მილიონამდეც აღწევდა. ჩვენ ვთვლით, რომ ეს ფული მათ უნდა მოხმარონ დაუსრულებელი მშენებლობებს და ამის გამო მათ ჯარიმები ეპატიებათ", - აცხადებს მთავრობის საპარლამენტო მდივანი.
კანონპროექტის თანახმად, კომპანიებმა სამი თვის განმავლობაში ქალაქის არქიტექტურის სამსახურს უნდა მიმართონ და შუთანხმონ მშენებლობის ახალი ვადები, ყველა დოკუმენტაცია უნდა მოიყვანოს წესრიგში, თავის მობინადრეებს აცნობონ მშენებლობის დასრულების ვადები.
საკანონმდებლო ინიციატივა თბილისში დაუმთარებელ მშენებლობებს შეეხება.