რამდენიმე დღეში, 500 კვ. ელექტროგადაცემის ხაზის 10 კმ-ანი მონაკვეთის სამშენებლო-სამონტაჟო სამუშაოები დაიწყება, ხოლო სამუშაოების დასრულება კი 2011 წლის დეკემბრის ბოლომდეა ნავარაუდევი.
სსე-ს ინფორმაციით, ახალი ხაზის საშუალებით მნიშვნელოვნად გაიზრდება საქართველოსა და აზერბაიჯანს შორის პარალელური მუშაობის იმედიანობა, საქართველო შეძლებს რამდენჯერმე გაზარდოს ექსპორტ-იმპორტისა და ტრანზიტის მოცულობა.
სახელმწიფო ელეტროსისტემის ინფორმაციით, 18 მარტს გამართული სამთავრობო შეთანხმების საფუძველზე, "საქართველოს სახელმწიფო ელექტროსისტემასა" და "აზერენერჯის" შორის ახალი, საქართველო - აზერბაიჯანის დამაკავშირებელი 500 კილოვოლტიანი ხაზის "გარდაბანი-სამუხი"-ს 10 კმ-იანი მონაკვეთის მშენებლობასთან დაკავშირებით ხელშეკრულება გაფორმდა. 25 მაისს "საქართველოს სახელმწიფო ელექტროსისტემის" მიერ გაიმართა ელექტრონული ტენდერი, რომელშიც ორი ქართული კომპანია "ნიუ მეტალ ჯორჯია" და "ნიუ ენერჯი" მონაწილეობდა. აღნიშნულ ტენდერში გაიმარჯვა კომპანიამ "ნიუ მეტალ ჯორჯია", რომელთანაც უკვე გაფორმდა ხელშეკრულება.
