საქართველოში მარცვლეული კულტურების მოსავლის აღება დაიწყო. მათგან პირველი ქერია, რომლის მოსავალიც, წინა წლებთან შედარებით ბევრად უხვია. სოფლის მეურნეობის სამინისტროს ინფორმაციით, თუ ქერის საშუალო მოსავლიანობა ერთ ჰექტარზე 1.2-1.5 ტონა იყო, წელს ფერმერებმა 3 ტონაზე მეტი მიიღეს. ქერის მოსავლის აღებას სოფლის მეურნეობის მინისტრი ბაკურ კვეზერელი დაესწრო. წელს ყველა ფერმერს და გლეხს თანამედროვე ევროპული ტექნიკით სარგებლობის საშუალება აქვს. ამ ტექნიკის უპირატესობა არის ის, რომ ახალი ტიპის კომბაინებით მოსავლის აღებისას, დანაკარგი თითქმის ნულის ტოლია. მაშინ როდესაც, ძველი ტექნიკით მოსავლის 20%-ზე მეტი იკარგებოდა.
მასალის გამოყენების პირობები
