სტიქიის შედეგად მიყენებული ზარალის აღომსაფხვრელად საჭირო თანხა, საჭიროების შემთხვევაში პრეზიდენტის ფონდიდანაც გამოიყოფა. ამის შესახებ დღეს გამართულ პრესკონფერენციაზე პრეზიდენტის პრეს სპიკერმა მანანა მანჯგალაძემ განაცხადა.
მისი თქმით, პრეზიდენტი მომხდარის თაობაზე დეტალურადაა ინფორმირებული და სარეაბილიტაციო სამუშაობის შესახებაც საქმის კურსშია.
"პრეზიდენტის ადმინისტრაცია მუდმივ კავშირზეა რაიონების ხელმძღვანელობასთან. საგანგებო რეჟიმში აგრძელებს მუშაობას რეგიონალური განვითარებისა და ინფრასტრუქტურის, ენერგეტიკის, შსს-ს სამინისტროები ასევე საგანგებო სიტუაციათა სამსახური" - განმარტა მანჯგალაძემ.
მისივე თქმით, საქართველოს მთავრობა აღდგენითი სამუშაოების დროულ ფინანსურ უზრნველყოფას მოახდენს.
აღსანიშნავია რომ ქვეყნის პირველმა პირმა სტიქიის შედეგად დაღუპულთა ოჯახებს სამძიმარი გამოუცხადა.