„ახალი მემარჯვენეები" აცხადებენ, რომ დედაქალაქის დაგვა - დასუფთავებისა და ნარჩენების მართვის მომსახურების ტარიფის და მისი გადახდის ახალი წესის შემოღება, რომელიც საკრებულოს უახლოეს სხდომაზეა დაგეგმილი, არასამართლიანია და თბილისის მოსახლეობის ინტერესების წინააღმდეგაა მიმართული" - განაცხადა „ახალი მემარჯვენეების" გენერალურმა მდივანმა, ქალაქ თბილისის საკრებულოს ფრაქციის „ჩვენი თბილისის" თავმჯდომარემ დავით საგანელიძემ დღეს გამართულ პრესკონფერენციაზე.
"ახალი კანონპროექტი რეალურად ნიშნავს, რომ მომხმარებელს, რომელიც 100 ლარის ელექტროენერგიას მოიხმარს მოუწევს 6 ლარის გადახდა საყოფაცხოვრებო ნარჩენების გატანისთვის. დაწესებულებებისთვის, ორგანიზაციებისთვის, იურიდიული პირებისთვის და ინდივიდუალურ მეწარმეთათვის, ასევე, დგინდება დაგვა-დასუფთავებისა და ნარჩენების გატანის ტარიფის გაანგარიშების წესი დაგროვებული ნარჩენების სახეობის, აგრეთვე, ნარჩენების წარმომქმნელის შემოსავლის, ქონების, დაკავებული ფართობის, დასაქმებული პერსონალის რაოდენობის, საქონლის (მომსახურების) მომხმარებელთა რაოდენობის, მიღებული სხვა საბანკო-კომუნალური მომსახურების მოცულობის და ა.შ. მიხედვით. ტარიფების დადგენისას შესაძლებელია გამოყენებულ იქნას ამ სიდიდეების კომბინაციებიც. ამ ცვლილებების განხორციელების აუცილებლობას ქალაქის მერია ასაბუთებს იმით, რომ დედაქალქში მიგრაციის მაღალი მაჩვენებელია, მოსახლეობის რეგისტრაციის ოფიციალური მაჩვენებელი არ შეესაბამება ფაქტიურ მდგომარეობას, რაც იწვევს ქალაქში არსებული რეალური სურათის დამახინჯებას", - განაცხადა საგანელიძემ.
„ახალი მემარჯვენეები" მოითხოვენ, რომს დედაქალაქის მერმა უკან გაითხოვოს დედაქალაქის საკრებულოში წარმოდგენილი გადაწყვეტილების პროექტი დასუფთავებისა და ნარჩენების მართვის მომსახურების
დედაქალაქის მერის გიგი უგულავას მიერ მიმდინარე წლის 17 ივნისს საკრებულოში წარდგენილი გადაწყვეტილების პროექტის თანახმად, 1 ივლისიდან უქმდება თბილისის ტერიტორიაზე დასახლებული ტერიტორიის დასუფთავებისთვის მოსაკრებელი და დგინდება დედაქალაქის დაგვა-დასუფთავებისა და ნარჩენების მართვის მომსახურების ტარიფი (საფასური). პროექტის თანახმად მოსახლეობისთვის ტარიფი გაიანგარიშება აბონენტად დარეგისტრირებულ ელექტროენერგიის მომხმარებლისთვის მათ მიერ გახარჯული ელექტროენერგიის პროპორციულად, თვეში ერთ აბონენტად დარეგისტრირებულ მომხმარებელზე 1 კვტ. სთ-ში მოხმარებულ ელექტროენერგიაზე 0,05 ლარის ოდენობით დღგ-ს გარეშე.
მასალის გამოყენების პირობები