თბილისის მერია დასუფთავების ფიქსირებულ მოსაკრებელს ცვლის. ცვლილების შემდეგ, ფიქსირებული გადასახადი, რომელიც ერთ სულ მოსახლეზე შეადგენს 2,5 ლარს გაუქმდება. მის ნაცვლად კი თითოეულ ოჯახს, მოხმარებული ელექტროენერგიის მიხედვით მოუწევს დასუფთავების გადასახადის გადახდა. კანონპროექტის მიხედვით, დახარჯულ ერთ კილოვატზე დასუფთავების გადასახადზე დაირიცხება 0,05 ლარი. როგორც ჟურნალისტებთან საუბრისას საკრებულოს ფრაქცია "ნაციონალების" თავჯდომარემ ნიკოლოზ ხაჩირაშვილმა განმარტა, აღნიშნული ცვლილებით თბილისის მოსახლეობას შეუმცირდებათ გადასახადი.
"ეს კეთდება თბილისის დასუფთავებისთვის. ამასთანავე, მოსახლეობას გადასახადი შეუმცირდება. სოციალურად დაუცველთათვის შეღავათები იგივე რჩება. ეს ყველაფერი თბილისის კეთილდღეობისთვის ხდება და ოპოზიციონერ დეპუტატებს მოვუწოდებ, რომ ზეპირ განცხადებებს, თუ არ მოსწონთ აღნიშნული კანონპროექტი მათ მოიფიქრონ ალტერნატიული რომელიც უკეთესი იქნება", - განაცხადა ხაჩირაშვილმა.
მოსაკრებლის შეცვლის კანონპროექტი თბილისის მერიიდან საკრებულოში შესულია და ის პირველივე საკრებულოს სხდომაზე განიხილება.