თბილისის შემდეგ, "აირზენა" მოსკოვის მიმართულებით ჩარტერული რეისების შესრულებას ბათუმის საერთაშორისო აეროპორტიდანაც იწყებს.
ავიაკომპანია "აირზენას" წარმომადგენელის ნინო გიორგობიანის განცხადებით, მოსკოვიდან ბათუმის მიმართულებით პირველი ავიარეისი დღეს განხორციელდება, რომელითაც ბათუმში 50-მდე მგზავრი ჩამოვა. გიორგობიანის თქმით, ავიარეისის მგზავრებს, ბათუმის საერთაშორისო აეროპორტში "აირზენას" წარმომადგენლების გარდა აჭარის ტურიზმის დეპარტამენტის ხელმძღვანელობაც დახვდება. მგზავრებისათვის აეროპორტშივე მოეწყობა კონცერტიც. გიორგობიანის თქმით, "აირზენა" ბათუმიდან მოსკოვის მიმართულებით რეისებს კვირაში 2-ჯერ შეასრულებს.
ბათუმი-მოსკოვის რეისზე, ბილეთის ღირებულება ერთი გზა 193 ევროდან იწყება.