"საქსტატის" ინფორმაციით, I კვარტალში მთლიანი შიდა პროდუქტის მაჩვენებელმა მიმდინარე ფასებში 5 151,8 მლნ. ლარი შეადგინა. ამავე პერიოდში, მთლიანი შიდა პროდუქტის რეალური ზრდა წინა წლის შესაბამისი კვარტალის მიმართ 5,8 პროცენტი დაფიქსირდა, ხოლო დეფლატორის _ 13,4 პროცენტი.

"საქსტატში" აცხადებენ, რომ მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა მრეწველობა (18,8 პროცენტი), შემდგომ პოზიციებს იკავებს ვაჭრობა (17,1 პროცენტი), ტრანსპორტი და კავშირგაბმულობა (12,1 პროცენტი), სახელმწიფო მმართველობა (10,6 პროცენტი), სოფლის მეურნეობა, მეთევზეობა (9,4 პროცენტი) და ჯანდაცვა (7,1 პროცენტი).

მნიშვნელოვანი ზრდა აღინიშნებოდა შემდეგ სექტორებში: საფინანსო შუამავლობა (24,0 პროცენტი), ელექტროენერგიის, ბუნებრივი აირისა და წყლის წარმოება და განაწილება (12,4 პროცენტი), ოპერაციები უძრავი ქონებით, იჯარა და მომხმარებლისათვის მომსახურების გაწევა (9,5 პროცენტი), სატრანსპორტო მომსახურება (9,1 პროცენტი), დამამუშავებელი მრეწველობა (8,6 პროცენტი), სასტუმროები და რესტორნები (8,6 პროცენტი), კავშირგაბმულობა (7,6 პროცენტი).
საქსტატში აცხადებენ, რომ ზრდა დაფიქსირდა შემდეგ სექტორებში: განათლება (3,8 პროცენტი), ვაჭრობა (2,5 პროცენტი), სახელმწიფო მმართველობა (1,9 პროცენტი), სოფლის მეურნეობა, ნადირობა და სატყეო მეურნეობა; თევზჭერა, მეთევზეობა (1,7 პროცენტი), სხვა კომუნალური, სოციალური და პერსონალური მომსახურების გაწევა (1,6 პროცენტი), ჯანმრთელობის დაცვა და სოციალური დახმარება (1,1 პროცენტი).
კლება დაფიქსირდა შემდეგ სექტორებში: შინამეურნეობების მიერ პროდუქციის გადამუშავება (5,5 პროცენტი), მშენებლობა (3,3 პროცენტი).