მთლიანი შიდა პროდუქტის მაჩვენებლის მიხედვით, საქართველო 180 ქვეყანას შორის 112-ე ადგილზეა.
ეკონომიკური კვლევების ცენტრ "რია-ანალიტიკის" მიერ ჩატარებული კვლევის თანახმად, საქართველო რეგიონის ქვეყნებს შორის აზერბაიჯანს (მე-80 ადგილი) ბევრად ჩამორჩება, სომხეთს კი მხოლოდ ერთი ადგილით უსწრებს (113-ე ადგილი).
მსოფლიოს ყველაზე მდიდარი ქვეყნები ყატარი (88 383 დოლარი მშპ ერთ სულზე), ლუქსემბურგი (81 383 დოლარი) და სინგაპური (56 522 დოლარი) არიან.
მსოფლიოს უმსხვილესი ეკონომიკის მქონე ამერიკა კი მე-7 ადგილზეა (47 284 დოლარი მშპ-თი თითოეულ მოქალაქეზე).
