თვითმფრინავების მწარმოებელი კორპორაცია Airbus-მა ავიასოლანზე ახალი სამგზავრო თვითმფრინავი წარმოადგინა. თვითმფრინავი Zehst-ი Zero Emission Hypersonic Transportation ტექნოლოგიების დახმარებით ატმოსფეროს არ აბინძურებს.
ფრენისას Zehst ბიოსაწვავს მოიხმარს, თუმცა სტრატოსფეროში გასასვლის შემდეგ რაკეტის საწვავზე გადადის. თვითმფრინავს 32 კილომეტრ სიმაღლეზე შეუძლია აფრენა, რაც ჩვეულებრივი თვითმფრინავების ფრენის სიმაღლესთან შედარებით, გაცილებით მაღალია.
ცნობილი ხდება ასევე ისიც, რომ Zehst სხვა თვითმფრინავებთან შედარებით ფრენის მაღალ სიჩქარეს განავითარებს. ამ თვითმფრინავის მგზავრები პარიზიდან ტოკიოში ჩაფრენას 2,5 საათში შეძლებენ. თვითმფრინავის სალონში 50-დან 100 ადამიანამდე ეტევა. თვითმფრინავის გამოცდა 2020 წლისთვის დასრულდება, ხოლო რეგულარულ ფრენებს ხომალდი 2050 წლიდან დაიწყებს.
