გამარტივებული ელექტრონული ტენდერში წინადადებების მიღების ვადებთან დაკავშირებით კანონში "სახელმწიფო შესყიდვების შესახებ" ცვლილებების შედის.
დღეს არსებული ნორმის თანახმად, გამარტივებული ელექტრონული ტენდერი - 200 000 ლარამდე ღირებულების შესყიდვის ერთგვაროვანი ობიექტების სახელმწიფო შესყიდვის საშუალება, რომელიც მოიცავს გამარტივებული ელექტრონული ტენდერისათვის ამ კანონითა და კანონქვემდებარე ნორმატიული აქტით გათვალისწინებულ პროცედურებს.
სატენდერო კომისია გამარტივებული ელექტრონული ტენდერის ჩატარების შესახებ განცხადებას და სატენდერო დოკუმენტაციას განათავსებს სახელმწიფო შესყიდვების ერთიან ელექტრონულ სისტემაში სატენდერო წინადადებების მიღების ვადის დასრულებამდე არა უგვიანეს 3 დღისა. გამარტივებულ ელექტრონულ ტენდერში სატენდერო წინადადებების მიღების ვადა უნდა იყოს არანაკლებ 2 დღისა.
კანონპრექტის თანახმად, კი იმ შემთხვევაში თუ გამოცხადებული გამარტივებულ ელექტრონულ ტენდერში სატენდერო წინადადებების მიღების დასრულების ვადა ემთხვევა შაბათ-კვირას ან უქმე დღეს, სატენდერო წინადადების მიღების ვადა დასრულდება მომდევნო სამუშაო დღეს.
ინიციატივის ავტორების განმარტებით, აღნიშნული გადაწყვეტილების მიზანია აუქციონში მონაწილე პირებისთვის ტექნიკური ხასიათის შეზღუდვების მოხსნაა.
კანონპროექტის ინიციატორი ავტორები არიან პარლამენტის დეპუტატები ზვიად კუკავა და კახაბერ ანჯაფარიძე.