რუსეთის პრეზიდენტი დიმიტრი მედვედევი მიიჩნევს, რომ მიხეილ ხოდორკოვსკის წინააღმდეგ აღძრული სისხლის სამართლის საქმეები და მისი გასამართლება უსამართლობა სულაც არ იყო. ამასთან ერთად, მედვედევი ასევე მიიჩნევს, რომ ხოდორკოვსკის აქვს უფლება პირობით ვადაზე განთავისუფლებაზე და შეწყალებაზე.
"Financial Times"-სის კითხვაზე, მიიჩნევს თუ არა ის, რომ ხოდორკოვსკის წინააღმდეგ გამართული სასამართლო პროცესი შეცდომა იყო, მედვედევმა უარყოფითად უპასუხა.
"არა, მე ასე არ მიმაჩნია, უბრალოდ იმიტომ, რომ მე უნივერსიტეტში მასწავლეს პატივი ვცეთ სასამართლო გადაწყვეტილებებს", _ აცხადებს მედევდევი.
"მე შესაძლოა პირადი წარმოდგენა მქონდეს იმასთან დაკავშირებით, რა არის მნიშვნელოვანი და რა არა და რა არის პოლიტიკურად გამართლებული და რა არა. მაგრამ არსებობს კანონი და სასამართლო გადაწყვეტილება. გაუუქმებელი სასამართლო გადაწყვეტილება, განაჩენი - ეს არის კანონი ყველასათვის ვინც ქვეყანაში ცხოვრობს", _ აცხადებს რუსეთის პრეზიდენტი და აღნიშნავს, რომ ხოდორკოვსკის აქვს პირობით ვადაზე ადრე გათავისუფლებისა და შეწყალების თხოვნის უფლება.