საქართველოს გაზის ბაზრის 85 %-ს SOCAR აკონტროლებს. აზერბაიჯანული მედიის ინფორმაციით, აზერბაიჯანის სახელმწიფო ნავთობკომპანია SOCAR-მა საქართველოში გაზის ბაზარზე საკუთარი წილი 85 %-მდე გაზარდა.
SOCAR-ის პრეზიდენტის ნოვნაგ აბდულაევის განცხადებით, SOCAR საქართველოს ბაზარზე წილს ყოველწლიურად ზრდის.
"საქართველოში 70-ზე მეტ ავტოგასამართ სადგურს ვფლობთ. გაცილებით მეტი წილი გვაქვს საქართველოში გაზის ბაზარზე, სადაც საერთო მოთხოვნილების 80-85 %-ს SOCAR Georgia Gas ამარაგებს. ჩვენი ბიზნესი საქართველოში წარმტებით ხორციელდება და ამ ბაზარზე ჩვენ დიდ მოგებასაც ველოდებით. 2010 წლის აუდიტის შედეგად, საზღვარგარეთ ჩვენი კომპანიები საკმაოდ წარმარტებულად მუშაობდნენ და 2010 წელი მათ მოგებით დაასრულეს"- განაცხადა აბდუილაევმა.
მასალის გამოყენების პირობები
