"კომერცბანკმა ((COMMERZBANK) თიბისი ბანკი დაასახელა საუკეთესო ბანკად მაღალი ხარისხით შესრულებული სავალუტო გადარიცხვებისა და საერთაშორისო ვაჭრობის დაფინანსების სფეროში წარმატებული ბიზნესურთიერთობებისთვის და ,,Trade Finance Award 2010" სერტიფიკატი გადასცა.
2011 წლის დასაწყისიდან, ეს არის უკვე მეორე მაღალი ხარისხის სერიფიკატი, რომელიც თიბისი ბანკს მიენიჭა. 13 ივნისს დოიჩე ბანკმა (Deutsche Bank) თიბისი ბანკი, კიდევ ერთხელ დაასახელა საუკეთესო ბანკად სავალუტო გადარიცხვების მაღალი ხარისხის მაჩვენებლის მიხედვით და ,,2010 USD STP Excellence Award" სერტიფიკატი გადასცა. დღეს კი, ბანკმა კიდევ ერთი საერთაშორისო საფინანსო ინსტიტუტის - კომერცბანკის აღიარება და ხარისხის უმაღლესი ჯილდო მოიპოვა, რაც კიდევ ერთხელ ადასტურებს, რომ თიბისი ბანკი სრულად აკმაყოფილებს საერთაშორისო სტანდარტებსა და მოთხოვნებს.
ხარისხის სერტიფიკატის მინიჭება ხდება წინა წლის მონაცემებზე დაყრდნობით და ითვალისწინებს, როგორც სავალუტო დავალებების ეფექტურ განხორციელებას, ასევე შესრულებული გადარიცხვების რაოდენობას. STP (Streight Through Payments) წარმოადგენს სავალუტო დავალებას, რომელიც ჩამოყალიბებულია სვიფტის მოთხოვნების შესაბამისად და სრულდება ავტომატურად, კორესპონდენტი ბანკის მხრიდან ყოველგვარი ჩარევის გარეშე.