ორხევში შპს "მექანიზატორის" ბაზაზე ახალი სასოფლო-სამეურნეო ტექნიკის პრეზენტაცია გაიმართა. 25 ერთეული სიმინდის ამღები კომბაინი ევროპული წარმოებისაა. ეს არის ნახევრადსაკიდი კომბაინი, რომელიც ებმება ტრაქტორს და ერთდროულად სიმინდის ნათესების 2 რიგს იღებს. უახლოეს მომავალში ტექნიკა გადანაწილდება რეგიონებში.
კომბაინის დაქირავება ნებისმიერ მსურველს შპს "მექანიზატორის" რეგიონულ სერვის ცენტრებში შეეძლება. ახლი კომბაინების პრეზენტაციას სოფლის მეურნეობის მინისტრი დაესწრო. ბაკურ კვეზერელი: "ფერმერებს, რომლებმაც წელს დათესეს სიმინდი, ჩვენ ვუზრუნველყოფთ ყველა საჭირო ტექნიკით. სიმინდის კომბაინები უკვე შემოსულია და მოსავლის აღებამდე კიდევ რამდენიმე ათეული ერთეული შემოვა. ეს მოგვცემს მოსავლის დროულად დაბინავების საშუალებას". სიმინდის ამღები ნახევრადსაკიდი კომბაინები იმ ნაკვეთებისთვისაა განკუთვნილი, რომლებშიც დიდი კომბაინები მუშაობას ვერ ახერხებენ. სასოფლო-სამეურნეო ტექნიკის განახლებას სოფლის მეურნეობის სამინისტრო მომავალშიც გააგრძელებს.
მასალის გამოყენების პირობები