დღეს, ბათუმს თურქი ტურისტების ჯგუფი ესტუმრება. აჭარის ტურიზმის დეპარტამენტის ინფორმაციით, დღეს ბათუმში ვიზიტიდ ჩამოდის 80-კაციანი ჯგუფი, რომლის შემადგენლობაში ქალაქ იზმირის ტუროპერატორების წარმომადგენლები და ტურისტები შედიან. 5 ივლისიდან კი ტურისტული ვიზიტები ქალაქ იზმირიდან სისტემატიურ ხასიათს მიიღებს, რაც უდავოდ ხელს შეუწყობს ბათუმის და აჭარის რეგიონის ტურისტული პოტენციალის ზრდას.
შეგახსენებთ, რომ 19-22 მაისს თურქეთის რესპუბლიკის ქალაქ იზმორში გაიმართა შავი ზღვის ქალაქების გამოფენა, სადაც მიღწეული იქნა შეთანხმება, რომლის მიხედვითაც შავი ზღვის ტურებს ქალაქი ბათუმიც დაემატა. სწორედ აღნიშნული შეთანმების ფარგლებში ეწვევიან თურქი ტურისტები ბათუმს.
