სახელმწიფო დაცვის სპეციალური სამსახურის თანამშრომლებს ფიზიკური პირების ადმინისტრაციული წესით დაკავების უფლებამოსილება ენიჭებათ.
მოქმედი კანონმდებლობის თანახმად, წესრიგის დარღვევის შემთხვევაში, სახელმწიფო დაცვის სპეციალური სამსახურის თანამშრომელს მხოლოდ კანონდამრღვევი პირის მისი დაცვის ქვეშ მყოფი ობიექტის ტერიტორიიდან გაყვანა შეუძლია.
წარმოდგენილი ცვლილებების ამოქმედების შემდეგ კი, მას მოქალაქეთა ადმინისტრაციული წესით დაკავებისა და შემდგომში შსს-თვის გადაცემის უფლებამოსილება ენიჭება.
გარდა ამისა, სახელმწიფო დაცვის სპეციალური სამსახურის თანამშრომლებს მათ მიერ დაკავებული პირებისათვის პირადი ნივთებისა და დოკუმენტაციის ჩამორთმევის უფლებაც ეძლევათ.
