საქართველოს სტატისტიკის ეროვნული სამსახურის საგარეო ვაჭრობისა და უცხოური ინვესტიციების სტატისტიკის სამმართველოს სამი თანამშრომელი სასწავლო ვიზიტით ლიტვაში იმყოფებიან.
საქსტატის თანამშრომლები ლიტვის სტატისტიკის დეპარტამენტში საგარეო ვაჭრობის ინდექსების წარმოების მეთოდოლოგიასა და პრაქტიკულ საკითხებს გაეცნობიან.
მიღებული პრაქტიკის საფუძველზე საქსტატი დაიწყებს ახალი პროდუქტის წარმოებას, როგორიცაა ექსპორტისა და იმპორტის ინდექსები, ასევე განახორციელებს საგარეო ვაჭრობის რეალური ზრდის მაჩვენებლისა და მშპ-ის გაანგარიშებას - დანახარჯების მეთოდით მუდმივ ფასებში. აღნიშნული სიახლის დანერგვა ხელს შეუწყობს როგორც საგარეო სექტორის სტატისტიკის, ისე ეროვნული ანგარიშების მაჩვენებლის ხარისხობრივ გაუმჯობესებას.
საქსტატის თანამშრომლების ვიზიტი ლიტვაში მთლაიანდ ფინანსდება ევროკავშირის მიერ.