საქსტატის თანამშრომლები მსოფლიო ბანკის კონსულტანტების დახმარებით ტრენინგს გადიან საერთაშორისო შედარებების პროგრამის (ICP) პროექტის ფარგლებში. ICP-ის ძირითადი პროდუქტია ვალუტის მსყიდველობითი პარიტეტის (ppp) დაანგარიშება, რაც ქვეყნის ერთ-ერთი მნიშვნელოვან მაკროეკონომიკურ ინდიკატორს წარმოადგენს. ppp საერთაშორისო შედარებებისთვის აქტიურად იყენებენ მსოფლიო ბანკი, საერთაშორისო სავალუტო ფონდი და სხვა საერთაშორისო ორგანიზაციები.
ქვეყნები პროგრამაში მონაწილეობენ რეგიონული პრინციპით. საქართველო ICP-ში თავდაპირველად ჩართული იყო როგორც დსთ წევრი. მას შემდეგ, რაც საქართველო აღარ არის დსთ-ს წევრი, საერთაშორისო ორგანიზაციებთან და კერძოდ, მსოფლიო ბანკთან შეთანხმებით ხდება ამ პროგრამაში საქართველოს ჩართვა ინდივიდუალურად.
საქართველოს ICP-ში ჩართვის პროექტის განხორციელება დაიწყო 2010 წელს ათასწლეულის განვითარების ფონდის (MCG) დაფინანსებით და გრძელდება მსოფლიო ბანკის ფინანსური მხარდაჭერით.