დოიჩე ბანკმა (Deutsche Bank) თიბისი ბანკი, კიდევ ერთხელ დაასახელა საუკეთესო ბანკად სავალუტო გადარიცხვების მაღალი ხარისხის მაჩვენებლის მიხედვით და ,,2010 USD STP Excellence Award" სერტიფიკატი გადასცა. ბანკის ინფორმაციით, ხარისხის სერტიფიკატის მინიჭება ხდება წინა წლის მონაცემებზე დაყრდნობით და ითვალისწინებს, როგორც სავალუტო დავალებების ეფექტურ განხორციელებას, ასევე შესრულებული გადარიცხვების რაოდენობას.
2010 წლის მონაცემების შეფასების მიხედვით, თიბისი ბანკის ხარისხის ინდექსი 99.7%-ით განისაზღვრა.
უკვე მეხუთე წელია თიბისი ბანკი ჯილდოვდება სავალუტო გადარიცხვების მაღალი ხარისხის სერტიფიკატით, რაც ერთმნიშვნელოვნად მიუთითებს, რომ ამ ხნის განმავლობაში, ბანკი სტაბილურად ინარჩუნებს მომსახურების მაღალ დონეს.
STP (Streight Through Payments) წარმოადგენს სავალუტო დავალებას, რომელიც ჩამოყალიბებულია სვიფტის მოთხოვნების შესაბამისად და სრულდება ავტომატურად, კორესპონდენტი ბანკის მხრიდან ყოველგვარი ჩარევის გარეშე.
დოიჩე ბანკი, რომელიც ასრულებს კორესპონდენტი ბანკის ფუნქციას, ახდენს თიბისი ბანკის საგადასახადო დავალებების კლირინგს.
თიბისი ბანკისთვის მინიჭებული ხარისხის უმაღლესი ჯილდო, კიდევ ერთხელ ადასტურებს, რომ ბანკი სრულად აკმაყოფილებს საერთაშორისო საფინანსო ინსტიტუტის მოთხოვნებს და მომავალშიც განაპირობებს ორ ბანკს შორის წარმატებულ ურთიერთთანამშრომლობას.