სურსათის/ცხოველის საკვების მწარმოებელ საწარმოდ ან/და დისტრიბუტორად რეგისტრაციის გარეშე საქმიანობა დასჯადი გახდება. აღნიშნულთან დაკავშირებით ცვლილება შედის "ადმინისტრაციულ სამართალდარღვევათა კოდექსში".
კანონპროექტის თანახმად, საქმიანობა სურსათის/ცხოველის საკვების მწარმოებელ საწარმოდ ან/და დისტრიბუტორად რეგისტრაციის გარეშე გამოიწვევს დაჯარიმებას 300 ლარის ოდენობით.
იმ შემთხვევაში კი, თუ პირის მიერ იმავე ქმედების ერთი წლის განმავლობაში განმეორებით იქნება ჩადენილი, გამოიწვევს დაჯარიმებას 500 ლარის ოდენობით.