საქართველოს ენერგეტიკისა და ბუნებრივი რესურსების სამინისტროს ვებგვერდზე განთავსებული პოტენციური ალტერნატიული წყაროების ნუსხაში შემავალი - მდინარე ნატანებზე ასაშენებელი ნატანები-1,2 3 ჰესებით შპს კომპანია " ბლექ სი გრუპი" დაინტერესდა.
კომპანიამ განაცხადი აღნიშნული ჰესების მშენებლობის, ფლობისა და ოპერირების მიზნით სამინისტროში უკვე შემოიტანა.
აღნიშნული პროექტებით დაინტერესებულ პირებს შეუძლიათ წარადგინონ განაცხადები 2011 წლის 3 ივლისის ჩათვლით, შემდეგ მისამართზე: ქ. თბილისი 0114, გულუას ქ. 6. საქართველოს ენერგეტიკისა და ბუნებრივი რესურსების სამინისტრო.
