ქუთაისში რძის გადამამუშავებელი მინიქარხანა გაიხსნა. ახალი საწარმო ქუთაისის მერმა გიორგი თევდორაძემ გახსნა.
რძის გადამამუშავებელი ქარხანა „ავანგარდი" არაჟანს, მაწონსა და ხაჭოს ნატურალური რძით ამზადებს. ქაქრხანამ წარმოების გაფართოებისა და ახალი ტექნიკის შეძენისათვის დაფინანსება მილენიუმის ათასწლეულის პროგრამის ფარგლებში მოიპოვა.
„ახალი ქარხანა, რომელიც დღეს გავხსენით, სოფლის მეურნეობისა და ბიზნესის თანამშრომლობის არაჩვეულებრივი სიმბიოზია. ნატურალური პროდუქციის წარმოება თანამედროვე და ევრო-სტანდარტების შესაბამისი დანადგარებით მოხდება, რაც მეტად საგულისხმო და მნიშვნელოვანია. ამ ეტაპზე რძის გადამამუშავებელ ქარხანაში 30 ადგილობრივი დასაქმდა, წლის ბოლომდე კი, სამსახურით კიდევ 50 ადამიანი დაკმაყოფილდება",- განაცხადა „ჯი-ეიჩ-ენ"-თან საუბრისას გიორგი თევდორაძემ.
უახლოეს მომავალში ქარხანა მომხმარებელს ახალ პროდუქტებს შესთავაზებს. დაგეგმილია ჰოლანდიური ხაჭოსა და იოგურტის წარმოებაც.
