იმერეთის სამხარეო ადმინისტრაციის სხდომათა დარბაზში ნამახვანჰესის მშენებლობის პროექტის საჯარო განხილვა გაიმართა. შეხვედრას საქართველოს ენერგეტიკისა და ბუნებრივი რესურსების დაცვის მინისტრსის პირველი მოადგილე მარიამ ვალიშვილი და არასამთავრობო ორგანიზაციების წარმომადგენლები ესწრებოდნენ.
ნამახვანჰესის მშენებლობა 2 წლის დაიწყო და 6 წელიწადში დასრულდება. პროექტი უცხოური ინვესტიციით ხორციელდება. ჰესის კასკადების მშენებლობისთვის მილიარდი დოლარი დაიხარჯება.
ნამახვან-ჰესის მშენებლობასთან დაკავშირებით, კრიტიკული მოსაზრეები გააჩნიათ არასამთავრობო ორგანიზაციებს. ენჯეობის წარმომადგენლები თვლიან, რომ აღნიშნული პროექტი საზოგადოებას ეკოლოგიური და სოციალური საფრთხეების წინაშე დააყენებს.
არასამთავრობო ორგანიზაციათა მტკიცებით, ნამახვან-ჰესის კასკადები ირგვლივ მდებარე 14 სოფელს დააზარალებს, მათგან 4 კი დაიტბორება. წინასწარი ინფორმაციით, განსაკუთრებული რისკის ქვეშ მყოფი სოფლების მოსახლეობას წყალტუბოში ჩაასახლებენ.
კულუარულად ცნობილი ხდება, რომ სოფელ ჟონეთის, საკირისა და მამაწმინდის მოსახლეობა წყალტუბოში, იმ ახალ კორპუსებში დასახლდებიან, რომელთა მშენებლობაც დევნილი ოჯახების დასაკმაყოფილებლად დაიწყო.
