საქართველოში ჩინური ინვესტიციების მოზიდვაზე ქართველი და ჩინელი სამთავრობო და ბიზნესწრეების წარმომადგენლები სასტუმრო „შერატონ მეტეხი პალასში" გამართულ მიღებაზე მსჯელობენ. მიღების დაწყებამდე ეკონომიკისა და მდგრადი განვითარების მინისტრმა ვერა ქობალიამ საქართველოსა და ჩინეთს შორის პირდაპირი ავიარეისების დანიშვნას უმნიშვნელოვანესი უწოდა ჩინეთ-საქართველოს შემდგომი ურთიერთობისთვის.
"პირველივე ავიარეისით საქართველოში 160 დელეგატი ჩამოვიდა და კარგია რომ ჩინეთის მხრიდან ასეთი დიდი დაინტერესება არასებობს, რაც თავის მხრივ ხელს შეუწყობს საქართველოში ინვესტიციების მოზიდვას და ტურისტული ნაკადის შემოსვლას", - განაცხადა ქობალიამ.
აღნიშნული რეისით საქართველოს ჩინეთის სახალხო რესპუბლიკის სინძიან-იუგერეთის ავტონომიური რეგიონის სახალხო კონგრესის თავჯდომარე აილიგენ იუინინგაჰაი ეწვია. სტუმარს საქართველოს მთავრობის სახელით პრემიერ მინისტრის მოვალეობის შემსრულებელი, ვიცე-პრემიერი გიორგი ბარამიძე მასპინძლობს.
სახალხო კონგრესის თავმჯდომარე აილიგენ იუიმინგბაჰაი საქართველოდან 11 ივნისს გაემგზავრება.
ავიაკომპანია China Southern Airlines 1988 წელს ჩამოყალიბდა, მას შემდეგ კომპანიამ შეიერთა და შეისყიდა არაერთი ავიაკომპანია, რის შემდეგაც გადაიქცა ერთ-ერთ უდიდეს ავიაგადამზიდავად არა მარტო ჩინეთის, არამედ მთელი აზიის მასშტაბით.
შიდა გადაზიდვების კუთხით ჩინეთის სამხრეთ ავიახაზები ითვლება მსოფლიოში სიდიდით მეოთხე ავიაკომპანიად. აქვს 169 საერთაშორისო და ადგილობრივი მიმართულება და 422 თვითმფრინავისგან შემდგარი ავიაპარკი. 2010 წელს ჩინეთის სამხრეთ ავიახაზებმა გადაიყვანა 76.5 მილიონი მგზავრი შიდა და საერთაშორისო რეისებზე.
