კვების პროდუქტების მწარმოებელი, მსოფლიოში ერთ-ერთი უმსხვილესი შვეიცარიული კომპანია Nestle-ს, უპრეცენდენტო პრობლემები აქვს, რაც ნედლეულზე ფასების ზრდას უკავშირდება.
გავრცელებული ინფორმაციით, უახლოეს წლებში ნედლეულზე ფასების ზრდა კიდევ უფრო შესამჩნევი გახდება.
კომპანიის შესყიდვების სამსახურის ხელმძღვანელის კევინ პეტრეს განცხადებით, ნედლეულზე ფასები კატასტროფულად იზრდება, რის მიზეზადაც ბუნებრივი კლიმატური პირობები, ნავთობის გაძვირება და ყავასა და კაკაოზე ფასების ზრდა სახელდება.
Nestle-ში აცხადებენ, რომ მხოლოდ 2010 წლის მეორე ნახევარში ყავის ღირებულება 25 %-ით გაიზარდა. იმავდროულად, მიმდინარე წლის პირველ კვარტალში Nestle-ს გაყიდვები 9,3 %-ით შემცირდა. კომპანიას 83 ქვეყანაში 449 საწარმო გააჩნია.