თბილისის საკრებულოს ფრაქციის "ჩვენი თბილისი" წევრი, ჯანდაცვის და სოციალურ საკითხთა კომისიის თავმჯდომარე ვიქტორ დოლიძე ბიუჯეტის მხარჯველ ორგანიზაციებს 2012 წლის ბიუჯეტში გასათვალისწინებლი წინადადებების წარმოდგენას სთხოვს.
როგორც საკრებულოს წევრმა დღეს გამართულ ბრიფინგზე განაცხადა, „თავისუფალი დემოკრატების" მცდელობის მიუხედავად, საკრებულოს ნაციონალური უმრავლესობა ბიუჯეტის პროექტის ფორმირების დემოკრატიზაციის საყოველთაოდ აღიარებულ პრინციპებს უარყოფს და დღემდე ცდილობს მომავალი წლის ბიუჯეტი, ჩვეულებისამებრ, მხოლოდ ნაციონალური პარტიის ინტერესებს და საარჩევნო ტექნოლოგიებს მოარგოს.
ვიქტორ დოლიძემ მაგალითისთვის მისი თანაპარტიელის ზურაბ აბაშიძის მიერ დედაქალაქის ბიუჯეტის ფორმირების სპეციალური ჯგუფის შექმნის ინიციატივა მოიყვანა და აღნიშნა, რომ ნაციონალურმა უმრავლოსობამ მათ საკრებულოში არსებულ კომისიებში მუშაობა შესთავაზა.
"მინდა აღვნიშნო, რომ ოპოზიციონერი დეპუტატები უმრავლესობის მიერ ნახსენებ ყველა კომისიაში არ არიან წარმოდგენილნი. ამასთან, კომისიების შემადგენლობაში არც დამოუკიდებელი ექსპერტები და არც საზოგადოებისა და არასამთავრობო ორგანიზაციების წარმომადგენლები შედიან. რაც მთავარია, თვით ფედერალური ხელისუფლებაც მიხვდა, რომ ჩვენი მოთხოვნა 2012 წლის ბიუჯეტის პროექტის ფორმირების დემოკრატიულობის შესახებ, სამართლიანია. ორი თვეა რეგიონებში ბიუჯეტის პრიორიტეტების გამოვლინების შესახებ „ფი-არ" კამპანია მიმიდინარეობს. დედაქალაქში კი ისევ ნოემბრის თვეს ელოდებიან, რათა ბუკლეტების ბეჭდვასა და უნიჭო „ფი-არ" კამპანიაზე ათეულ-ათას ლარი დახარჯონ", - განაცხადა დოლიძემ.
საკრებულოს ჯანდაცვის და სოციალურ საკითხთა კომისიის თავმჯდომარემ ბიუჯეტის მხარჯველ და არასამთავრობო ორგანიზაციებს მოუწოდა, 2012 წლის ბიუჯეტშიგასათვალისწინებლად კომისიას საკუთარი წინადადებები უმოკლეს ვადებში წარუდგინონ. მათ შორისაა: ოჯახის ექიმის ინსტიტუტის სრულყოფა; უფასო მშობიარობის სისტემა; ურგენტული-სასწრაფო სამედიცინო ჰოსპიტალური დახმარება დაზღვევის არმქონე 3-დან 60 წლამდე მოქალაქეებს თანაგადახდის პირობით (6 დღიანი კრიტიკული მედიციანა (რეანიმაცია); შაქრიანი დიაბეტის პრევენცია ადრეული ასაკიდან; კარდიოვასკულარული პრევენცია; ჰემოფილიით დაავადებულ ბავშვთა რეაბილიტაცია და მკურნალობა;ლეიკემიით დაავადებულ ბავშვთა ქიმიოთერაპია და სხივური თერაპია; შეზღუდული შესაძლებლობების მქონე პირთა არასამთავრბო ორგანიზაციების თანადგომის პრპგრამები;სოცილაური საცხოვროისის საქალაქო პროგრამა 2012-2014 და ა.შ.
საკრებულოს ჯანდაცვისა და სოციალური საკითხთა კომისიის თავმჯდომარემ აღნიშნულ საკითხებზე წინადადებების მიღებასა და მათ საჯარო განხილვაზე მზადყოფნა გამოთქვა და დაინტერესებული პირებისათვის ტელეფონის ნომერი: 293-12-02 გაახმოვანა.
