ვიდრე მთავრობა შაორის ტბაზე ინვესტორებს მოიზიდავს და იქ სათანადო ინფრასტრუქტურას მოაწყობს, ქართული კომპანიები ტბის მიმდებარე ტერიტორიაზე ტურისტების მიზიდვას თავად იწყებენ და ინფრასტრუქტურის შექმნასაც საკუთარი სახსრებით ახორციელებენ.
ტურისტული კომპანია "შაორი" ტურისტებს შაორის ტბის მიმდებარე ტერიტორიაზე დასასვენებლად უკვე იწვევს და ტურისტებს ტურ-პაკეტებს სთავაზობს, რომელსაც პარტნიორი ტურისტული სააგენტოების მეშვეობით ყიდის.
როგორც სააგენტო "ჯი-ეიჩ-ენს" კომპანია "შაორის" ხელმძღვანელმა რომან კობახიძემ განუცხადა, პაკეტები არიას 3,5 და 7 დღიანი და ტურისტს შაორის ტბაზე დასვენება, თითო დღე 35 ლარი უჯდება. აღსანიშნავია, რომ პაკეტში სამჯერად კვებასთან ერთად წყლის ველოსპედებით უფასო გასეირნება და რაჭაში უფასო ექსკურსიებიც შედის.
ტურისტებს ღამის გათევა კომფორტულ კარვებში შეუძლიათ. როგორც "შაორის" ხელმძღვანელი აცხადებს, ანალოოგიური პაკეტებით შარშან გაცილებით მეტმა უცხოელმა ტურისტებმა ისარგებლა, ვიდრე ადგილობრივმა დამსვენებელმა. გასულ წელს "შაორის" სერვისებით ძირითადად ტურისტები ისრაელიდან დაინტერესდნენ.
ტურისტების მისაზიდად "შაორი" შაორის ტბასთან ხელოვნური ჩანჩქერის მოწყობასაც გემავს. როგორც კომპანიაში განმარტავენ, ტბის მახლობლად კლდის მსგავსი ქვებია, რაც საშუალებას იძლევა აღნიშნულ ტერიტორიაზე ხელოვნური ჩანჩქერი მოეწყოს.
შაორის ტბასთან შესაბამისი ინფრასტრუქტურის მოსაწყობად, გასულ წელს კომპანიამ 20 ათასი ლარის ინვესტიცია განახორციელა.
შეგახსენებთ, რომ შაორის ტბის მიმდებარე ტერიტორიაზე ინფრასტრუქტურის განვითარებას საქართველოს მთავრობა 2007 წლიდან გეგმავს. ამ ადგილის ტურისტებისთვის მიმზიდველ ადგილად ქცევა და შესაბამისი ინფრასტრუქტურის მოწყობის იდეა ექს ეკონომიკის მინისტრს გიორგი არველაძეს ეკუთვნის. თუმც ამ დრომდე რეალური ინვესტორის პოვნა ვერ მოხერხდა.
აღსანიშნავია, რომ კურორტის მშენებლობის გენერალური გეგმა კომპანია "გეოგრაფიკმა" შეიმუშავა, რომლის თანახმადაც შაორის მიმდებარედ 700 ჰექტარი მიწის ნაკვეთის განაშენიანება იგეგმებოდა, საიდანაც 300 ჰექტარზე პატარა ქალაქი უნდა აშენებულიყო. პროექტის თანახმად ტბასთან 2,5 კმ სიგრძის ასაფრენი ბილიკი და მცირე აეროდრომე უნდა მოწყობილიყო.
2010 წლის თებერვალში ეკონომიკური განვითარების ყოფილი მინისტრის ზურაბ პოლოლიკაშვიკლის მოწვევით საქართველოში ეგვიპტელი ინვესტირები იმყოფებოდნენ, რომლებმაც შაორის ტბის მიმდებარე ტერიტორია მოინახულეს.