მეწარმეებს გადასახდელი გადასახადების გადავადების შესაძლებლობა მიეცემათ. აღნიშნულთან დაკავშირებით ცვლილება შედის საგადასახადო კოდექსში.
კანონპროექტის თანახმად, საგადასახადო შეთანხმება შეიძლება გაფორმდეს მომავალ საგადასახადო პერიოდებში დასადეკლარირებელი საგადასახადო ვალდებულების გადასახადის გადადების მიზნით, თუმცა ამისთვის მეწარმეს გარკვეული საფასურის გადახდა მოუწევს.
კანონპროექტში აღნიშნულია, რომ საგადასახადო ვალდებულების გადახდის გადავადება შესაძლებელი იქნება განხორციელდეს 3 წლამდე ვადით, წლიური 4%-იანი სარგებლით. თუმცა თუ საგადასახადო ვალდებულება 3 წელზე მეტი ვადით გადავადდება, მაშინ წლიურ სარგებელს პრემიერ-მინისტრი კონკრეტული შეთანხმების მიხედვით განსაზღვრავს, მაგრამ სარგებელი 4%-ზე ნაკლები არ უნდა იყოს.
