გერმანია Nabucco-ს პროექტით ინტერესდება. გერმანიის მთავრობის მიერ მიღებული გადაწყვეტილებით, ქვეყანა 2022 წელს ატომური ელეტროსადგურებს დახურავს. იმავდროულად ქვეყანის ინტერესი Nabucco-ს მიმართ იზრდება, ამის შესახებ თურქული გაზეთი Hurriyet წერს. ანალოგიურ ინფორმაციას ავრცელებს ამერიკული გამოცემა Foreign Policy, რომელიც წერს, რომ გერმანიის მხრიდან ატომური ელეტროსადგურების დახურვის შემდეგ Nabucco-ს პროექტი კიდევ უფრო აქტუალური ხდება.
"ამ გაზს წლიდან წლამდე მოიხმარს გერმანია და ქვეყანა ატომური ელეტროსადგურებს აღარ აამუშავებს", - წერს გამოცემა.
იმავდროულად. ევროკავშირის კომისარი ენერგეტიკის საკითხებში გიუნტერ ეტინგერი მიიჩნევს, რომ ევროპის ენერგეტიკულ უსაფრთხოებაში Nabucco-ს პროექტს უდიდესი დატვირთვა ენიჭება.
შეგახსენებთ, რომ Nabucco-ს კონსროციუმიში გაერთიანებულნი არიან თურქული კომპანია Botas, Bulgarian Energy Holding, უნგრული MOL PLC, ავსტრიული OMV Gas&Power, GmbH გერმანული RWE და რუმინული Transgaz.
პროექტის ყოველ მონაწილეს პროექტში 16,67 %-იანი წილი აქვს. TumcaRa International Petroleum Investment Company (IPIC) უკვე ფლობს აქციათა 20 %-ს ავსტრიულ OMV Gas&Power GmbH -ში.
Nabucco-ს პროექტი ითვალისწინებს კასპიური გაზის ევროპაში მოხვედრასც აზერბაიჯანის, საქართველოს, თურქეთის, ბულგარეთის, უნგრეთის, რუმინეთისა და ავსტრიის გავლით. პროექტის თანახმად, გაზსადენი ბაქო-თბილისი-ერზერულის გაზსადენის გაგრძელება გახდება და ყოველწლიურად 20-30 მლრდ კუბური მეტრის გაზის გატარებას უზრუნველყოფს.