უახლოეს დღეებში საპარტნიორო ფონდი მუშაობას დაიწყებს. სწორედ საპატრნიორო ფონდის შექმნაზე მსჯელობენ დღეს მთავრობის სხდომაზე და როგორც სხდომის დაწყების წინ პრემიერ-მინისტრმა ნიკა გილაურმა განაცხადა საპატრნიორო ფონდის შექმნა მნიშვნელოვანი ფაქტორია ქვეყნის ეკონომიკური სტაბილურობისთვის.
"საპატრნიორო ფონდის მთავარი ფუნქცია იქნება ექსპორტისა და კერძო სექტორის აქტივობის წახალისება", - განაცხადა გილაურმა.
პრემიერ-მინისტრის თქმით, საქართველოს პარლამენტმა შესაბამისი კანონმდებობა უკვე დაამტკიცა, რომლის მიხდევით, მთავრობამ უნდა შექმნას საბჭო, რომელიც დაკომპლექტდება ეკონომიკური პროფილის მინისტრებისგან.
"საპარტნიორო ფონდის მთავარი ფუნქცია იქნება ისეთი მსხვილი ენერგეტიკული თუ არაენერგეტიკული პროექტების განხორციელება რომელსაც კერძო სექტორი დამოუკიდებლად ვერ ახორციელებს და რაც ასე მნიშვნელოვანია ქვეყინს სტაბილურობისთვის ეკონომიკური ზრდისთვის და ექსპორტის წახალისებისთვის", - განაცხადა გილაურმა.
პრემიერის თქმით, საპარტნიორო ფონდის მეშვეობით დაფინანსდება ისეთი პროექტები, როგორიცაა ჰიდროელექტროსადგურების მშენებლობა, ნავთობგადამამუშავებელი საწარმოს მშენებლობა და ყველა სხვა ის პროექტი, რომელიც მნიშვნელოვანია ქვეყნის ეკონომიკური განვითარებისთვის და მომავალ წლებში დიდ ეკონომიკურ შემოსავალს მოუტანს ქვეყანას.
