1-ელი ივნისიდან 1 თვის განმავლობაში "ელიტ ელექტრონიქსის" ქსელის რამდენიმე მსხვილი ობიექტი განსაკუთრებულ რეჟიმში - საღამოს 9 საათამდე იმუშავებს.
როგორც "ჯი-ეიჩ-ენს" კომპანიიდან აცნობეს, "ელიტ ელექტრონიქსის" ქსელის სამუშაო გრაფიკი დილის 10 საათიდან საღამოს 8 საათამდეა.
"იმის გამო, რომ მომხმარებლების აქტიურობა ბოლო 1 თვის განმავლობაში თითქმის გაორმაგდა, გადავწყვიტეთ ბაზრის მოთხოვნას მზად დავხვედროდით და სამუშაო საათები გავზარდეთ, კერძოდ საზოგადოებას მომსახურებას 11 საათის განმავლობაში გავუწევთ" - აცხადებს კომპანიის დირექტორის მოადგილე დიმიტრი გოზალიშვილი.
გოზალიშვილის თქმით, რეალიზაციის ზრდის ტენდენციას ივნისშიც ელიან. შესაბამისად, გაზრდილი მოთხოვნიდან გამომდინარე, საღამოს ცხრა საათამდე იმუშავებს ქსელის ის მაღაზიები, სადაც განსაკუთრებით დიდია მომხმარებლის ნაკადი. (თბილისში: ყაზბეგის, გლდანის, აღმაშენებლის, ხოლო ბათუმში - ჭავჭავაძის, ფარნავაზ მეფისა და ერას ქუჩაზე მდებარე ობიექტები)
