დღეიდან, 1-ლი ივნისიდან, ბათუმის დელფინარიუმი პირველ მნახველებს მიიღებს. დელფინარიუმის ადმინისტრაციის ინფორმაციით, დელფინარიუმი დღეს ოფიციალურად გაიხსნება, თუმცა დელფინების წარმოდგენა 12 ივნისიდან დაიწყება. წარმოდგენაში მონაწილეობას 7 დელფინი მიიღებს, რომლებიც რამდენიმე თვის განმავლობაში იწვრთვნებოდნენ და წარმოდგენების მოსაწყობად ემზადებოდნენ.
წარმოდგენის ღირებულება 12 ლარი იქნება და ბილეთების რეალიზაცია დღეს დაიწყება. 5 წლამდე ასაკის ბაშვებისათვის კი შოუს ნახვა უფასო იქნება. დელფინარიუმში დელფინების შოუს ნახვა ერთდროულად 700 ადამიანს შეუძლია.
გარდა დელფინების შოუსა, სამომავლოდ დელფინარიუმი ახალ სერვისებსაც აამოქმედებს, როგორიცაა დელფინოთერაპია და ასევე "ერთი დღე მწვრთვნელი", რომლის ფარგლებშიც მსურველებს შესაძლებლობა ექნებათ დღე დელფინებთან გაატარონ. ხოლო რაც შეეხება დელფინოტერაპიას, რომლის ამქმედებაც უახლოეს პერიოდშია დაგეგმილი, ნერვულ და სხვა მრავალს დაავადებას შველის.
დელფინარიუმის მშენებლობის ინიციატივა ქალაქის მერიას ეკუთვნის, თუმცა თანხები ბიზნესმენებმა გაიღეს, რომელთა ვინაობასაც არ კონკრეტდება. პროექტის განხორციელება მთლიანობაში 10 მლნ. ლარი დაჯდა.
