საშემოსავლო დეკლარაცის დაგვიანება აღარ დაჯარიმდება. ამას ითვალისწინებს "საქართველოს საგადასახადო კოდექსში" შესატანი ცვლილებები, რომელიც პირველი მოსმენით დღეს იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების გაერთიანებულ სხდომაზე განიხილეს.
კანონპროექტის თანახმად, მცირდება მთელი რიგი ჯარიმები, რომლებიც ამა თუ იმ ქმედებისთვის იყო გათვალისწინებული.
მაგალითად პირს, რომელიც ბინას აქირავებს და ვალდებულია საშემოსავლო დეკლარაცია წლის ბოლომდე წარადგინოს, კანონში შესული ცვლილებების შემდეგ, შეუძლია ამ ვადას გადააცილოს და დაგვიანებისათვის შესაბამისი ჯარიმა აღარ დაეკისრება; აღურიცხველი საქონლის აღმოჩენის შემთხვევაშიც ჯარიმის რაოდენობა განახევრდება; ასევე პროდუქციაზე ფასდაკლების გამოცხადების შემთხვევაში, იკლებს გადასახადის რაოდენობაც.
ასეთი სახის ორმოცამდე ცვლილება შევა საგადასახადო კოდექსში, რაც მას უფრო ლიბერალურსა და მოხერხებულს გახდის ფიზიკური პირებისა და შეზღუდული პასუხისმგებლობის საზოგადოებისთვის.
