ბათუმში ახალი რესტორანი "რივიერა" ამოქმედდა, რომლის გახსნასაც დღეს საქართველოს პრეზიდენტი მიხეილ სააკაშვილი და აჭარის მთავრობის თავმჯდომარე ლევან ვარშალომიძე დაესწრნენ.
"რივიერას" ვერანდიდან ბათუმის ბულვარის და სანაპირო ზოლის ხედი იშლება. რესტორანი 400 პერსონაზეა გათვლილი. რესტორანში მთელი სეზონის განმავლობაში კოქტეილბარიც იმუშავებს, რომელიც "რივიერას" მესამე სართულზეა განთავსებული.
