"საგადასახადო კოდექსში" შესატანი ცვლილებებით, აღურიცხავი პროდუქციის გარკვეულ რაოდენობაზე ამნისტია ცხადდება და მეწარმე საგადასახადო ორგანოს მიერ აღარ დაჯარიმდება.
მთავრობის საპარლამენტო მდივნის გია ხუროშვილის განცხადებით, თუ კი აღურიცხავი პროდუქცია არ აღემატება, აღრიცხული პროდუქციის 2 %-ს, მაშინ შემოსავლების სამსახური მეწარმეს ამ დარღვევას პატიობს.
"აღურიცხავ პროდუქციასთან დაკავშირებით მეწარმეებს აქვს არგუმენტები, რომ ვერ მოასწრო აღრიცხვა, ან პროდუქცია ახალი შემოტანილი ჰქონდა. ზოგიერთი შემთხვევა საფიქრალია, რომ მართლაც ისე იყო, როგორც მეწარმე ამბობს, თუმც ეს არ უნდა იქცეს გადასახადებისაგან თავის არიდების მექანიზმად. ჩვენ შემოგვაქვს ასეთი რეგულირება, რომ სანქციას საერთოდ არ გამოვიყენებთ, თუ აღურიცხავი საქონელი არ აღემატება ამავე სახეობის აღიცხული საქონლის 2 %-ს. შემოწმების დროს თუ კი გამოვლინდა, რომ ნედლეული რომელიც მეწარმეს აქვს შეძენილი და აქვს აღრუცხული ამ პროდუქციის 98 %, მაშინ მას ეპატიება 2 %-ის აღურიცხაობა", - აცხადებს გია ხუროშვილი.
მთავრობის საპარლამენტო მდივანი ამბობს, რომ შესაძლოა ამ ტიპის ცდომილება ტექნიკური სახის ცდომილებად იქნეს მიჩნეული.