"საგადასახადო კოდექსში" კომპლექსური ცვლილებებნი შედის. როგორც მთავრობის საპარლამენტო მდივანმა გია ხუროშვილმა განაცხადა, უკვე პარლამენტში შესულია "საგადასახადო კოდექსში" შესატანი ცვლილებების პაკეტი, რომლის მიხედვითაც ბიზნეს დამატებითი შეღავათები უწესდება და თავად კანონმდებლობაში კონკრეტული ჩანაწერები კეთდება.
ხუროშვილის თქმით, ამიერიდან სხვადასხვა კომპანიების მიერ საქონლის თვითღირებულებაზე ნაკლებ ფასად გასხვისება, საგადასახადო ორგანოს მხრიდან ეჭვქვეშ აღარ იქნება დაყენებული და რომ კომპანიას შესაძლებლობა ექნება პროდუქციის ნაწილი თვითღირებულებაზე დაბალ ფასად გაყიდოს, ამის შესახებ ჩანაწერი კოდექსშიც გაკეთდება.
"არის შემთხვევები, როდესაც საქონლის გაყიდვა თვითღირებულებაზე დაბალ ფასად ხორციელდება. როდესაც აუდიტორი კომპანიაში შედის და ხედავს, რომ საქონელი გაყიდულია თვითღირებულებაზე დაბალ ფასად, რა თქმა უნდა ეს მათ ეჭვს იწვევს. ჩვენ მოვისმეინეთ სხვადასხვა მეწარმეების არგუმენტები. უნდა ითქვას, რომ არის შემთხვევები, როდესაც არის ფასდაკლებები, რომლებსაც მოქალაქეები ელოდებიან. შეიძლება მაღაზიამ კოლექციის ბოლო ნაწილი მართლაც გაიყიდოს თვითღირებულებაზე ნაკლებ ფასად, ასეთ შემთხვევეაში კოდექსი აღარ იქნება ასეთი ხისტი. კოდექსში გაკეთება სპეციალური ჩანაწერი და ამიერიდან შესაძლებელი გახდება საქონლის რაღაც ნაწილის თვითღირებულებაქზე დაბალ ფასად გასხვისება", - განაცხადა მთავრობის საპარლამენტო მდივანმა.
ხუროშვილის თქმით, საგადასახადო კოდექსის დღევანდელ ვარიანტში ფასდაკლებებისა და პროდუქციის დაბალი ფასით გაყიდვის შემთხვევებისთვის, კოდექსი მოქნილი არ იყო, რაც ბევრ გაურკვევლობებს იწვევდა.