როგორც დღეს, "საქართველოს ბანკის" გენერალურიო დირექტორის მოადგილემ., გიორგი ჭილაძემ განაცხადა, დღეიდან, 31 აგვისტოს ჩათვლით კომპანია, რომელიც ისარგებლებს "საქართველოს ბანკის" ბიზნესსესხით 500 ათასი დოლარამდე, 3 თვემდე საპროცენტო შენატანისაგან გათავისუფლდება, რაც შესაძლებლობას მისცემს მეწარმეს მეტი თავისუფლებით განკარგონ საკუთარი სესხები და დაზოგილი თანხა ბიზნესის განვითარებას მოახმაროს.

"საქართველოს ბანკის" ინფორმაციით, სესხით სარგებლობა შეუძლია ყველა იურიდიულ პირს, ვისაც სურს საქმიანობისათვის საბრუნავი და ძირითად საშუალებების/უძრავი ქონების შეძენა და სარემონტო სამუშაოების შესრულება. ის მომხმარებელი, ვინც უკვე ფლობს ბიზნესს, შესაძლებლობა აქვს სესხით საკუთარი სამომხმარებლო მიზნები, ბიზნესის მიმდინარე ხარჯები დააფინანსოს, ასევე სხვა საფინანსო სახის ვალდებულებები გაისტუმროს, ან ნებისმიერი ზემოთაღნიშნული მიზნობრიობის კომბინაციას მიმართოს.

ბიზნესსესხის თანხა განისაზღვრება 1000 დოლარიდან 500 ათას დოლარამდე. სესხით სარგებლობა შესაძლებელია ლარშიც და ევროშიც.

გარდა ბიზნესესხებზე ხსენებული სპეციალური შეთავაზებისა "საქართველოს ბანკი" მცირე და საშუალო ბიზნესის მფლობელებს სთავაზობს ახალ საკრედიტო პროდუქტს - ავტომატურ ოფერდრაფტს, რაც გულისხმობს მარტივად, მხოლოდ ბანკში არსებული ბრუნვების გათვალისწინებით, კომპანიისათვის საკრედიტო ლიმიტის დამტკიცებას. ავტომატური ოფერდრაფტით სარგებლობა შეუძლიათ ინდ. მეწარმებსა და იურიდიულ პირებს. ოფერდრაფტის ვადა 2 თვემდეა და თანხა განისაზღვრება 5 ათასიდან 40 ათას ლარამდე. მისი გამოყენება შესაძლებელია საბრუნავი საშუალებებისა და ბიზნესის მიმდინარე ხარჯების დასაფინანსებლად, საგადასახადო თუ საბაჟო ხარჯების დასაფარად და ასევე სხვა საფინანსო ვალდებულებების გასასტუმრებლად. სესხის დაფარვა კი შესაძლებელია ვადის ბოლოს ან ეტაპობრივად.